شال: بلوچستان ءَ نودربر گلانی نیمگ ءَ بولان میڈیکل کالج ءِ پولیس ءِ دستیگ کنگ ءُ وابجاہ ءِ بندی ءِ بگیری ءَ مرچی بولان میڈیکل کالج ءَ مزنیں ھواریں دیوانے برجم دارگ بوتگ کہ ایشی مزنیں کچے ءَ بچک ءُ جنکیں نودربراں بھر زرتگ۔
ھواریں دیوان ءَ نودربر گلانی تہ ءَ بلوچ اسٹوڈنٹس ایکش کمیٹی، بلوچ اسٹوڈنٹس آرگنائزیشن، پشتون اسٹوڈنٹس پڈریشن، بلوچ اسٹوڈنٹس آرگنائزیشن پجار ءُ جاندراھی تک ءِ نودربرانی بازیں کچے، بی ایم سی ءِ آدگہ نودربر گلاں ھوار مزنیں کچے ءَ نودربراں بھر زرتگ۔
دیوان ءَ درسیں نودربر ءُ زھرشانی کنوکاں گوں بلوچستان سرکار ءُ انتزامیہ ءَ لوٹ کرتگ کہ زوتاں چہ زوت بولان میڈیکل کالج ءُ وابجاہ ءَ پچ بہ کن اگاں نہ باندا بی ایم سی ءِ دیم ءَ زھرشانی نندانک ءَ بندات کن ایں۔
