چہ شھمیرانی شھزانتی ءُ دیمونی ءِ برورد ءَ بلوچ زْرمبشت دیم ءَ روگ ءَ اِنت ، بلوچ ءِ ھزاراں شھمیراں مارا ھمے کلوہ داتگ کہ پہ آجوئی ءَ مارا چہ ھچ گونگیں دیمونیاں پشت ءَ کنزگی نہ اِنت۔
اے گپ چہ بلوچ راجی زْرمبشت ( بی این ایم ) ءِ شھید سدیک بزدار سیل ءِ نیمگ ءَ برجم دارگ بیتگیں نیادے ءَ درشانگ بیتگ اَنت۔
گوں نیاد ءَ تْران کنان درویش ءَ درائینتگ مارا دیمونی ءِ درونت چہ وتی سرکماش شھمیر چیئرمین گلام مھمد ءَ رس ایت کہ آئی ءِ جند ءَ ھمے راہ ءَ وتی سر نْدر کرتگ۔ھمے پیم مئے گْوستگیں سرکار گشاد شھمیر ڈاکٹر منان ءِ زند ھم بلوچ ءَ رژنائیں کندیلے ءِ درور ءَ راھشونے کنت۔13 نومبر ھما درسیں شھمیرانی یات کنگ ءِ روچ اِنت کہ آیاں پہ گلزمین ءَ وت ءَ نْدر کرتگ۔ھما ھزاراں گمنامیں شھمیراں ھم ما یات کن ایں کہ آیاں بے نام ءُ توار ءَ وتی سر پہ ماتیں سرڈگار ءَ نْدر کرتگ اَنت۔
