بلوچ راجی آجوئی سنگر (براس) ءِ جارکش بلوچ ھان ءَ ماں رسانکدر ءَ وت شنگ کرتگیں درشانے ءَ گوشتگ کہ براس ءِ سرمچاراں سرجمیں بلوچستان ءَ 42 جتائیں جاھاں زورگریں پاکستانی لشکر، لشکری شوربندی، گیس پائپ لائن، مادن بروکیں گاڑی، چیریں ادارھانی کارمند ءُ کشندہ ٹولی ءِ کارمندان ءَ 45 جتائیں اُرشاں نشانگ کرتگ۔
آئی ءَ گوشتگ کہ براس ءِ سرمچاراں کوسٹل ھائی وے، رکشان، ھزدار ءُ ھرنائی ءَ شھدگ شش جاھاں بند کرتگ اَنت، دو کاروائیاں دژمنیں لشکر ءِ سلاہ دستیگ کرتگ اَنت۔ اے اُرشاں زورگریں پاکستانی لشکر ءِ میجر ھسیب ءَ ھوار 20 کارمند مرتگ ءُ بازیں ٹپی بوتگ اَنت، دژمنیں لشکر ءَ سکا مالی تاوان بوتگ۔ اے اُرش بلوچ شھیدانی یات 13 نومبر ءِ درگت ءَ کنگ بوتگ اَنت۔
براس ءِ جارکش بلوچ ھان ءَ اُرشانی زمہ واری منّ اتگ اَنت ءُ گوشتگ کہ براس پہ بلوچستان ءِ آجوئی ءُ بلوچ راج ءِ دیمپانی ءَ جان ءِ دیمونی دیوکیں گرانبھائیں کرداراں سیزدہ نومبر ءِ درگت ءَ ستک شانی ندر کن ایں ءُ ھمے کول ءَ کن ایں کہ شھیدانی رتکگیں ھونانی بیر یک آجو ءُ وشھالیں بلوچستانے ءِ دروشم ءَ گر ایں۔ براس بلوچ راج ءِ پلہ مرزی ءَ اے جنگ ءَ گڈی آسر ءَ سر کنت ءُ بلوچ شھیدانی واھشتاں پیلو کنت۔
