کراچی: بالی پٹ ءَ بی ایل اے ءِ پدائی بھرگ مجید برگیڈ ءِ چین ءِ شھریانی سر ءَ پدائی اُرش ءَ کمکاری ءِ بھتام ءَ پولیس ءَ دزگیر کرتگیں جنینے ءَ ھوار دو مردمانی پجار کرتگ۔
آئی ءِ گوشگ اِنت کہ 10 نومبر ءِ شپ ءَ اھوتی ھالے ءِ بنیاد ءَ لشکرکشی کنگ ءِ میان ءَ چین ءِ جاہ منندانی سر ءَ بوتگیں وتکش اُرش ءِ سروک جاوید پنام سمی پنام سمیر ءُ دگہ یک جنینے گلنسار چہ کراچی ءَ دزگیر کرتگ اَنت۔
آئی ءَ گوشتگ کہ اے دوئیں چہ ھب ءَ کراچی ءَ آتکگ اَنت کہ دزگیر کنگ بوتگ اَنت۔ دزگیر کرتگیں جاوید اے وتکش اُرش ءَ تچکی ءَ ھوار بوتگ ءُ دزگیر بوتگیں جنین آئی کمکار بوتگ۔ پہ آیانی سیمی ھمبل ءِ دزگیری ءَ پَٹ ءُ پول برجاہ اِنت۔
پولیس ءُ سند سرکار ءِ داں انوں اے جیڑہ ءِ پٹ ءُ پول ءِ بابت ءَ گوشگ اِنت کہ پٹ ءُ پولی ٹولی ءَ زوت نوکیں لوٹانی پارست ءَ وتی پٹ ءُ پول بندات کرتگ ءُ چم دیستیں گواھانی کمک ءَ وتکش اُرشکار ءُ آئی دگہ دو سنگتانی بُت جوڑ کنگ بوتگ اَنت۔
