بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں نو نومبر ءِ سھب ءَ گل ءِ انٹیلیجنس بھرگ ءِ ھال دیگ ءِ بنیاد ءَ ھاران ءِ ھند گواش ءَ دژمنیں لشکر، ایپ سی ءِ تر ءُ گردی ٹولی ءِ سر ءَ ارش کرتگ ءُنشانگ کرتگ اَنت کہ آیاں وتی دروشم مٹ کرتگ ءُ لس پوشاکانی تہ ءَ ھاران شھر ءِ نیمگ ءَ پرپٹانی سر ءَ روگ ءَ بوتگ اَنت۔ یک پرپٹے ءَ سواریں دو کارمند ارش ءِزد ءَ آتکگ اَنتءُ چہ آیاں یکے جاھی مرتگ ءُ دومی سکا ٹپی بوتگ۔
آئی ءَ گوشتگ کہ ھاران شھر ءَ سرمچارانی یکشلیں کاروائیانی سوب ءَ دژمنیں لشکر نوں ترس آماچ اِنتءُ وتی دروشم ءَ مٹ کنگ ءُ لس مردمانی پوشاک ءَ تر ءُ گرد کنگ ءَ لاچار اِنت۔ بی ایل ایپ ءِ چیریں بھرگ ءِ ھواریں ھمبلاں دژمن ءِ تر ءُ گرد ءِ سر ءَ شریں وڑے ءَ دلگوش گور کرتگ ءُ ھمک وھد ءَ پہ کاروائی ءَ چاڑکہ اَنت۔
جارکش ءَ گوشتگ کہ بی ایل ایپ گوں ھاران شھر ءِ باسمائیں مردماں لوٹ کنت کہ آ دژمنیں لشکر ءِ تر ءُ گردانی میانءَ پہ پھریزگ ءَ وت ءَ دور بدار اَنت چی ءَ کہ اے ترس آماچیں لشکر ارش ءَ پد سرمچارانی گون ءَ مڑگ ءَ ابید کودکیں مردماں نشانگ کنت۔ پمیشکا پہ وتی پھریزگ ءَ چہ زورگریں لشکر ءَ گستا بدار اَنت ءُ بلوچ سرمچاراں کمک بہ کن اَنت۔
میجر گھرام ءَ ارش ءِ زمہ واری من اتگ ءُ گوشتگ کہ داں بلوچستان ءِ آجوئی ءَ پاکستانی لشکر ءُ آئی شوربندیاں نشانگ کن ایں۔
