ھب چوکی : گوستگیں ماہ ءَ پاکستانی لشکر ءِ دست ءَ زور بیگواہ کنگ بوتگیں دوئیں برات جنید ھمید ءُ یاسر ھمید ءِ کھول ءَ لسبیلہ پریس کلب ءَ پریس کانپریس کرتگ ءُ گوشتگ کہ 18 اکتوبر 2024 ءَ شپ ءِ دہ ءِ نزیک ءَ ھب بھوانی شاہ پمپ ءِ نزیک ءَ منی مستریں برات جنید ھمید ء ابدالھمید ءَ سے گاڑیانی سر ءَ درزنانی کچ ءَ سلاہ بندیں مردماں گوں توپک ءِ زور ءِ سر ءَ گوں وت برتگ۔
آئی ءَ گوشتگ کہ بیست ءُ ھشت سالیگیں منی برات جنید ءِ ابدالھمید ھمے باپاری شھر ءَ یک شرکتے Otsuka پاکستان لمیٹڈ ءَ نوکر بوتگ ءُ سرجمیں ھند ءِ مردم ھمے گواھی ءَ دے اَنت کہ منی برات گوں ھچ وڑیں سیاسی یا دگہ مھذبی سرگرمیاں ھوار نہ بوتگ۔
یات بہ بہ اِت کہ جنید ھمید ءِ برات یاسر ھمید 11 اکتوبر 2024 ءِ شپ ءَ چہ کلات ءَ ھما وھد ءَ زور بیگواہ کنگ بوتگ کہ آ وتی یک سیادے ءِگس ءَ بوتگ۔ یاسر ھمید چہ ایشی پیش ھم زور بیگواہ کنگ بوتگ۔
کھول ءَ پریس کانپریس ءِ پارستءَ لوٹ کرتگ ءُ گوشتگ کہ سرکار ءُ سرکاری پھاداریں ادارہ جنید ءُ یاسر ءَ آجو بہ کناھین اَنت ءُ گوں مردمی ھکانی ھندی ءُ میان استمانی ادارھاں لوٹ کن ایں کہ آاے باروا دلگوش بہ کن اَنت۔
