ھزادر: چہ شال ءَ زورگریں پاکستانی لشکر ءِ دست ءَ زور بیگواہ کنگ بوتگیں سلمان ءِ بیگواھی ءِ دو سال سرجم بوگ ءَ کھول ءِ نیمگ ءَ زھرشانی روانکے کشگ بوتگ۔
زھرشانی روانک چہ شھید پروپیسر رزاک چاراہ ءَ در کپتگ ءُ آزادی چار ءَ مچ بوتگ اَنت۔ زھرشانی ءَ زور بیگواھیں کھولانی جنین ءُ زھگاں بازیں کچے ءَ بھر زرتگ ءُ مردماں زوریں بیگواھی ءِ بگیری ءَ اوگام جتگ۔
زھرشانی ءَ زور بیگواھیں سلمان ءِ مات ءَ تران کرتگ ءُ گوشتگ کہ منی زھگ سلمان دو سال پیش چہ شال ھزارگنجی ءَ زور بیگواہ کنگ بوتگ۔ دو سال اِنت کہ پہ زھگ ءِ آجوئی ءَ زھرشانی کنگ ءُ آمیدگساں روگ ءَ ابید سلمان آجو کنگ نہ بوتگ ءُ نہ مارا آئی باروا ھال دیگ بوتگ کہ کجام میار ءَ بیگواہ کنگ بوتگ۔
زور بیگواھیں سلمان ءَ مات ءَ گوں سرکار ءُ مردمی ھکانی ادارھاں لوٹ کرتگ کہ پہ منی زھگ ءِ آجوئی ءَ وتی کرد ءَ پیلو بہ کن اِت۔
ُّ
