بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 3 نومبر یک شمبے ءِ روچ ءَ آواران ءِ ھند کولواہ ءَ مرشم ءُ کنیچی ءِ مانجی ءَ ابدو بازار ء زورگریں پاکستانی لشکر ءِ سر ءَ سنگر گپتگ ءُ گوں نوکیں سلاھاں اُرش کرتگ۔ اُرش انچو ترند بوتگ کہ شش کارمند جاھی مرتگ دگہ باز ٹپی بوتگ اَنت۔
آئی ءَ گوشتگ کہ پاکستانی لشکر ءِ اے کاروان آواران ءُ ھمے ھنداں پہ لشکرکشی ءَ روگ ءَ بوتگ بلے بی ایل ایپ ءِ انٹیلیجنس ءِ ٹیم ءِ ھال دیگ ءِ بنیاد ءَ گل ءِ اسپیشل اسکواڈ ءَ ترّ ءُ گردی ٹولی ءِ ھواری ءَ آیانی سر ءَ ترندیں اُرشے کرتگ۔
جارکش ءَ گوشتگ کہ بی ایل ایپ ءَ انوگیں وھد ءَ جنگانی لوٹ چارتگ اَنت ءُ وتی جنگی شوربندی گیشتر شرتر ءُ نوک کرتگ اَنت۔ ھمے شوربندی ءِ پارست ءَ گل ءِ اسٹیلجنس ٹیم، اسپیشل اسکواڈ ءُ کربان یونٹ ھمک جنگ ءَ ھوار اَنت ءُ دژمن ءَ انچیں تاوان دیگ ءَ اَنت کہ اے دژمن ءِ گمان ءَ نیست۔ آھوکیں وھد ءَ پاکستانی لشکر ءُ آئی مزنیں شوربندیانی سر ءَ شر ءُ ترسناکیں اُرش کنگ بیت۔ چہ ایشی دژمن ءِ توان ءَ ھلاس کن این ءُ وتی کاروان ءَ گڈی آسر ءَ سر کن ایں۔
آئی ءَ گوشتگ کہ پاکستان ءَ بلوچ ءِ سرڈگار دستیگ کرتگ ءُ نہ تیوک ءَ بلوچ راج ءِ گوستانک ءُ دودمان ءِ ھلاس کنگ ءِ جھد ءَ اِنت بلکیں وتی زوراکیں کاروائیانی زوراکی ءِ یک نوکیں گوستانکے برجاہ داشتگ۔ بلے بلوچ راج ءِ نہ ترسیں پسگ ھمک جنگ ءَ تیوک ءَ سلاہ بندیں جھد ءَ دُژمن ءَ مدام پروش آماچ کنگ ءَ اَنت۔ چہ ایشی دژمن سسائی زوال ءُ بے اوستی ءِ نیمگ ءَ روگ ءَ اِنت۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں پاکستانی لشکر ءِ درآھگ ءَ بلوچستان ءَ سلاہ بندیں اُرش برجاہ بیت۔
