بلوچ وومن پورم ءَ ماں رسانکدر ءَ وتی شنگ کرتگیں درشانے ءَ گوشتگ کہ ما مند ءِ میتگ مھیر ءِ جاہ منندیں مردمانی سر ءَ ریاستی لشکر (ایپ سی) ءِ نیمگ ءَ نارواھیں زوراکیانی سر ءَ دلپدردی درشان کن ایں۔
آئی ءَ گوشتگ کہ ریاست ءِ لشکرگوں جتا جتائیں دروشماں مردماں آزار دیگ ءَ اِِنت، چوش کہ توپگ ءِ زور ءَ آیانی لوگانی دستیگ کنگ میتگ ءِ آدگہ لوگانی سر ءَ وتی ڈرون کیمرھانی بال دیگ وتسریں تیرگواری کنگ ءُ شپ ءِ تھاروکی ءَ لوگانی سر ءَ لیٹ (لائٹ) ءِ جَنگ ھوار اِنت چہ ریاستی اے وڑیں نارواھیں کارپداں مھلوک سسائی نادرہ جوڑ بوتگ اَنت۔ ھنیکین ءِ واکدار ءِ کِر ءَ مردماں وتی گپ سر کرتگ بلے وتگڑیں واکدار جیڑھانی گیش ءُ گیوار کنگ ءَ بے سوب بوتگ۔
آئی ءَ گوشتگ کہ ما گوں مردماں لوٹ کن ایں کہ زھرشانی ءَ نشتگیں مردمانی پلہ مرزی ءَ بہ کن اَنت ءُ بلوچ راج اے وڑیں ساھتاں گوں وتی مردماں یکجاہ ءُ ھم کوپگ بہ بنت۔
