بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم ءَ ماں چاگردی رسانکدر ایکس ءَ نبشتگ کہ مستونگ ءَ زھگانی ناھکیں کوش آرمی پبلک وانگجاہ ءِ کشت ءُ کوش ءِ ترسناکیں ھیلہ ءِ منانک اِنت۔
آئی ءَ گوشتگ کہ اے بلوچستان ءَ پاکستان ءِ زوراکیانی دلگوش ءِ ٹالینگ ءِ دگہ یک جھدے۔ پاکستان تچکی ءَ ھوار اِنت آ مذھبی ناشرکاراں پہ بلوچانی ترسینگ ءَ اے وڑیں کار ءَ مدام کارمرز کنگ ءَ اِنت۔
بی این ایم ءِ سرکماش ءَ گوشتگ کہ بلوچ راج دژمن ءِ ھمک ھیلہ ءَ شریں وڑے ءَ سرپد اِنت۔ ما چہ اے زوراکیاں کدی بے ھال نہ بہ ایں ءُ ایشاں نہ بکش ایں۔پہ بلوچستان ءِ آجوئی ءَ مئے جھد ھمک پڑا برجاہ بیت۔
