آواران: جاؤ ءِ جتا جتائیں جاھاں زورگریں پاکستانی لشکر ءِ نیمگ ءَ زوراکی برجاہ اِنت۔
اھوالکار ءِ رد ءَ زورگریں پاکستانی لشکر ءُ چیریں ادارھانی کارمنداں آدینگ ءِ روچ ءَ جاؤ ءِ میتگ چھبی، نرمگی، ڈولیجی،کُچ ءُ گلی ءَ میتگاں بیڑ برتگ ءُ گسانی پٹ ءُ پول کنگ ءِ ھواری ءَ گوں مردماں زوراکی کرتگ۔
انچوش گوشگ بوگ ءَ اِنت کہ گلی ءَ بازیں جاھاں مردماں گھگیری کرتگ ءُ گسانی پٹگ ءَ نہ اشتگ۔ لشکر ءَ گلی ءِ درسیں دکانانی پٹ ءُ پول کنگ ءَ پد دکاناں پہ سامان زورگ ءَ آتکگ ایں مردمانی ھم پجار کارڈ ءُ زرتگیں سامان چارتگ اِنت۔
ھندی بنشون ءِ رد ءَ زورگریں پاکستانی لشکر جاؤ ءِ میتگ کوھڑو ءَ بازیں کچے ءَ مُچ بوگ ءَ اِنت۔ انچوش گمان کنگ بیت کہ پاکستانی لشکر ٹوھیں لشکرکشی یے کنت۔
انگت ءَ دگہ آوار جنی ءِ ھال نیست اے باروا مئے گیشیں جست ءُ پرس برجاہ اِنت۔
