آواران: شومک ءِ نادراھی ءَ بیران بوتگیں مردمی ھکانی کارکن نمیرانیں بانک ھمیدہ ءِ پرس ءَ چہ جتاجتائیں جاھاں مردم اَتکگ اَنت۔
ھندی بنشون ءِ رد ءَ چہ ھاران، ھزدار، پنجگور، موساھیل، کلات، مستونگ، جاؤ، بلیدہ، شال، اوتل ءُ کراچی ءَ ھوار جتا جتائیں ھندانی مردم دلپدردی درشان کنگ ءَ پُرس ءَ اتکگ اَنت کہ چہ آیانی تہ ءَ گیشتر نودربر اَنت۔
پُرس ءَ اتکگیں نودربر ءُ سیاسی کارکناں بانک ھمیدہ ءِ گڈی وابجاہ ءَ دوا لوٹ اِتگ ءُ آئی ءِ مانش ءِ سر ءَ بلوچی چادر تالاں کرتگ۔
اھوالکار ءِ گوشگ اِنت کہ آدینگ ءِ روچ ءَ چہ آئی کھول ءِ نیمگ ءَ کرآن وانی ءُ دوا لوٹگ بیت۔ ھمیدہ ء گلام کادر آواران ءِ ھند تیرتیج ءِ جھمنند اِنت کہ آئی ھمک وھد ءَ ریاست ءِ نیمگ ءَ زوریں بیگواھی ءُ آدگہ چاگردی جیڑھانی سر ءَ رسانکدر ءَ توار چست کرتگ۔
یات بہ بہ اِت کہ چہ ھمیدہ ءِ بیرانی پد رسانکدر ءَ سیاسی، چاگردی کارکن ءُ نودربراں ھوار جتائیں بھرگاں سیادی داروکیں مردماں دلپدری درشان کرتگ۔
