سندھودیش روولیوشنری آرمی ( ایس آر اے) ءِ جارکش سوڈھو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ ایس آر اے دوشی ھورشید کالونی ءِ نزیک ءَ کوٹری ( جامشورو ) ءَ پاکستانی چیریں ادارھانی چاریگ ءُ کمکار ڈاکٹر ابدالھالک راچپوت ءِ کوش ءِ زمہ واری ءَ منّ ایت۔
آئی ءَ گوشتگ کہ پاکستان پنجاپی ریاست ءِ نیمگ ءَ ماتیں سرڈگار سند ءِ سر ءَ سلاڑ کنگ بوتگیں راجی ایردستی ءِ بگیری ءَ راج ءُ راجی زرمبشت ءِ بستار ءَ مارا کرد پیلو کنگ لوٹ ایت۔
جارکش ءَ گوشتگ کہ ایس آر اے یک زمہ واریں گلے ءِ بستار ءَ پیش ءَ ھم شریں وڑے ءَ کرد پیلو کنگ ءَ اِنت ءُ انوں ھم اولی لڑا اوشتاتگ ءُ شریں وڑے ءَ وتی گھگیری ءَ جوانیں کردے پیلو کنگ ءَ اِنت۔
آئی ءَ گوشتگ کہ سند سرڈگار ءِ بٹگ بٹگ ءِ پھازداری ءَ ما وتی بنداتی زمہ واری سرپد بہ ایں ءُ ھمے بنیاد ءَ ورنائیں پسگانی پہ وتن ءَ رتکگیں ھونانی یک یک ترمپ ءُ ژانگولیں لاشانی جست ءَ گر ایں۔
سوڈو سندی ءَ گوشتگ کہ ایس آر اے داں سند ءِ سرجمیں آجوئی ءَ وتی گھگیری جھد ءِ برجاہ دارگ ءِ کول ءَ کنت۔
