کراچی: بلوچستان ءَ ھوار کراچی ءَ زوریں بیگواھیانی بگیری ءَ کراچی زانشتجاہ ءِ نودربراں کراچی زانشتجاہ ءِ تہ ءَ زھرشانی کرتگ۔
زھرشانی کنوکیں مردماں زور بیگواھیں مردمانی اکس گوں بوتگ اَنت ءُ آیاں زوریں بیگواھیانی دارگ ءُ درسیں بیگواھیں مردمانی آجوئی ءِ لوٹ کرتگ۔
آیاں تران کرتگ ءُ گوشتگ کہ ھمے ماہ ءَ کراچی زانشتجاہ ءِ نودربر ءُ چہ کراچی ءِ آدگہ جاھانی وانگجاھانی نودربراں درزنانی کچ ءَ زور بیگواہ کنگ بوتگ اَنت۔
آیاں گوشتگ کہ درسیں نودربر دیم ءَ آرگ ءُ آجو کنگ بہ بنت اگاں نہ ما پہ وتی ھمبلانی آجوئی ءَ زھرشانیانی زرمبشتے برجاہ دار ایں۔
یات بہ بہ اِت کہ ھمے ماہ ءَ شست ءَ گیش بلوچ زور بیگواہ کنگ بوتگ اَنت کہ آیانی تہ ءَ گیشتریں مردم بلوچ نودربر اَنت۔
