بلوچستان آجوئی سنگر ( بی ایل ایپ ) ءَ چہ بارکان ءَ سرمچارانی نام ءَ دزی کنوکیں دزگیر بوتگیں میاربار ءِ تامر وتی رسانکدری تندجاہ ”آشوب چینل“ ءَ شنگ کرتگ۔
اے باروا بی ایل ایپ ءِ جارکش میجر گھرام ءَ وتی شنگ کرتگیں درشانے ءَ گوشتگ کہ 13 اکتوبر ءَ گل ءِ ترّ ءُ گردے ءِ میان ءَ سرمچار انٹیلنجس ءِ بنیاد ءَ سھی بوتگ اَنت کہ ابدرھمان کھیتران ءِ سلاہ بندیں مردمے وت ءَ بلوچ سرمچار پیش کنگ ءُ بارکان ءِ ھند تومنی بگاؤ ءَ دزی ءُ لٹ ءُ پل کنگ ءَ اِنت۔ ھمے ھال ءِ سر بوگ ءَ سرمچاراں ھمے ھند ءَ زوت دگ بستگ اَنت ءُ میاربار نزیر ء آزم ھان جاہ منند کھریچڑا بارکان گوں سلاھاں دزگیر کرتگ۔
آئی ءَ گوشتگ کہ ھمے ھند ءِ جست ءُ پرس ءِ میان ءَ گل ءَ دگہ لھتے ھال سر بوتگ۔ چہ ھمے مردمانی دلجمی ءُ مانزمانی ءَ پد ھمے مردم یل کنگ بوتگ۔
جارکش ءَ گوشتگ کہ بی ایل ایپ بارکان ءَ ھوار سرجمیں بلوچستان ءِ مردمانی گون ءَ لوٹ کنت کہ آ چہ اے وڑیں مردماں شیوار بہ بنت ءُ ایشاں پیش بدار اَنت، مئے شریں وڑے ءَ کمک ءَ بہ کن اَنت دانکہ چاگردی سلکاری، دزی ءُ بلوچ راجی زرمبشت ءِ بگیریں ناشرکار دارگ بہ بنت۔
