گوستگیں روچاں چہ کراچی ءَ گوں آدگہ نودربرانی ھواری ءَ زور بیگواہ کنگ بوتگیں شئیب ءِ کھول ءَ آئی یل کنگ ءِ گپ رد کرتگ۔
کھول ءِ گوشگ اِنت کہ شئیب پسنی ءِ جاہ منند اِنت ءُ گوستگیں روچاں چہ کراچی ءِ گلشن اکبال ءَ گوں دگہ ھشت نودربراں آوار جنگ ءُ بیگواہ کنگ بوتگ۔ آئی زوریں بیگواھی ءِ زمہ وار ریاست اِنت۔
کھول ءَ گوشتگ کہ دو روچ بیت کہ ماں رسانکدر ءَ پہ شئیب ءِ آجوئی ءَ ھالے شنگ بوتگ اے دروگے۔ ما کھول شئیب ءِ آجوئی ءَ انگت ءَ سرپد نہ ایں ءُ مئے کِر ءَ سر نہ اِنت۔
کھول ءَ گوشتگ کہ مردمی ھکانی ادارہ پہ شئیب ءِ آجوئی ءَ توار چست بہ کن اَنت۔
