بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم ءَ ماں چاگردی رسانکدر ایکس ءَ وتی پوسٹے ءَ نبشتگ کہ من کراچی پریس کلب ءِ دیم ءَ ایمنیں زھرشانی کنوکانی سر ءَ پاکستانی لشکر ءِ آزاردھیں اُرش ءَ گوں ترندیں دانکاں ایر جن آں۔ اے منّگ نہ بیت کہ آدگراں زھرشانی کنگ ءِ موکل دیگ بیت، بلوچ زھرشانی کنوک زوریں بیگواھی ءِ بگیری ءَ زھرشانی کن اَنت زوراکی ءُ دزگیر کنگ بوتگ اَنت۔
آئی ءَ گوشتگ کہ لالا وھاب سیپ، بابو، امتیاز، آپتاب ءُ اتا اللہ ءِ دزگیری مردمی ھکانی تچک ءَ بگیری اِنت۔ آ زوت یل کنگ بہ بنت ءُ بلوچستان ءَ زوریں بیگواھی ءِ درچ بند کنگ لوٹ ایت۔
