کراچی: یک شمبے ءِ روچ ءَ زوریں بیگواھیانی بگیری ءَ زھرشانی ءِ میان ءَ بلوچ یکجھتی کمیٹی ءِ کمک سرکماش لالا وھاب ءُ بی وائی سی ءِ آدگہ باسک پولیس ءَ دزگیر کرتگ اَنت ءُ نوں چہ زندان ءَ بیگواہ کنگ بوتگ اَنت۔
آیانی زوریں بیگواھی ءِ گپ بلوچ یکھتی کمیٹی ءِ بنجاھی سروک ڈاکٹر ماہ رنگ ءَ راست کرتگ ءُ گوشتگ کہ بی وائی سی ءِ کمک سرکماش لالا وھاب گوں دگہ پنچ ھمبلانی ھمراھی ءَ بیگواہ کنگ بوتگ۔
آئی ءَ گوشتگ کہ اے مرچی چہ کراچی پریس کلب ءِ دیم ءَ زوراکیانی نشانگ کنگ بوتگ اَنت ءُ سرجمیں روچ ءَ بے ایپ آئی آر ءَ بند کنگ بوتگ اَنت۔ نوں آچہ بندیگجاہ ءَ بیگواہ کنگ بوتگ اَنت۔
