ڈیرہ بگٹی: زورگریں پاکستانی لشکر ءَ سے روچانی میان ءَ ایس ایچ اوے ءَ ھوار بیست مردم آوار جتگ ءُ بیگواہ کرتگ اَنت۔
چہ زور بیگواہ کنگ بوتگیں مردماں لھتے مردمانی نام لیویز ایس ایچ او تارک ء گل گھنور بگٹی، مرتزا ء گل گھنور بگٹی، رئیس بگٹی، برکت بگٹی، کاسم ء ٹکا بگٹی، زاھد ء اسمان بگٹی، پرھو ء تاھر بگٹی، ڈاکٹر وزیر ء میشو بگٹی، پزل ھسین ء میر دوست بگٹی جما ھان ء پاھی ھان بگٹی ءُ کربان ء گل گھنور بگٹی اِنت۔ آدگہ مردم انگت ءَ پجارگ نہ بوتگ اَنت۔
انچوش گوشگ بوگ ءَ اِنت کہ اے درسیں مردم چہ ڈیرہ بگٹی ءِ شھر ءَ بیگواہ کنگ بوتگ اَنت۔
چہ ایشاں ابید ڈیرہ بگٹی ءِ ھند سیاہ آپ ءُ مرو ءَ ھم مردم بازیں کچے ءَ آوار جنگ ءُ بیگواہ کنگ بوتگ اَنت چہ دامگ ءُ نیٹورک ءِ بندی ءِ سوب ءَ انگت ءَ پجارگ نہ بوتگ اَنت۔
