بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں ھبدہ اکتوبر پنچ شمبے ءِ شپ ءَ ھشت ءَ ھاران شھر ءَ گزی دگ ءَ برجاھیں پاکستانی لشکر ءِ پانگس ءِ سر ءَ گوں وتکاریں سلاھاں اُرش کرتگ ءُ سنگر ءَ ساڑی ئیں یک کارمندے مرتگ ءُ چہ ایشی پد پانگس ءِ سر ءَ گرنیڈ لانچرانی گون ءَ اُرش کرتگ ءُ گیشتر جانی ءُ مالی تاوان داتگ
آئی ءَ گوشتگ کہ اُرش ءَ پد لگوریں دژمن ءَ پہ مردمانی ترس آماچ کنگ ءَ سکا تیرگواری کرتگ بلے سرمچار پہ سلامتی وتی مھکمیں بندر ءِ نیمگ ءَ شتگ اَنت۔
جارکش ءَ گوشتگ کہ دومی کاروائی ءَ سرمچاراں ھبدہ اکتوبر ءِ بیگاہ ءَ جاؤ ءِ ھند کوھڑو ءَ برجاھیں دژمنیں لشکر ءِ مزنیں بنجل ءِ پھازداریں سنگر ءَ ساڑی ئیں کارمند گوں اسنائپر ءَ نشانگ کرتگ ءُ کشتگ۔
میجر گھرام ءَ اُرشانی زمہ واری منّ اتگ ءُ گوشتگ کہ لشکر ءِ داں درآھگ ءَ ریاستی لشکر ءُ آئی شوربندیانی نشانگ کنگ ءِ کول ءَ کن ایں۔
