ھزدار/ پنجگور: زورگریں پاکستانی لشکر ءَ سے مردم ھاجی نبی بکش، سراج رشید ءُ شھاب آوار جتگ ءُ بیگواہ کرتگ اَنت۔
چہ اے زور بیگواھیں مردماں الی ھیدر ھزدار ءِ ھند کوڑاسک ءِ جاہ منند اِنت کہ دوشی شپ ءِ یک ءَ پاکستانی لشکر ءَ آئی گس ءَ بیڑ برتگ ءُ آوار جنگ ءَ پد گوں وت برتگ۔
زور بیگواھیں الی ھیدر ءَ کھول ءَ گوں سیاسی پارٹی، نودربر گل ءُ مردمی ھکانی ادارھانی گون ءَ لوٹ کرتگ کہ پہ الی ھیدر ءِ آجوئی ءَ توار چست بہ کن ات۔
زور بیگواھیں سراج رشید ءُ شھاب ءَ سے روچ بیت کہ چہ پنجگور ءِ ھند پروم ءَ پاکستانی لشکر ءَ آوار جتگ ءُ بیگواہ کرتگ اَنت۔
کھول ءِ گوشگ اِنت کہ دوئیں ھمبل گوستگیں روچاں زامران ءَ شتگ اَنت کہ واتری آھگ ءَ بوتگ اَنت پاکستانی لشکر ءَ چہ پروم ءَ آوار جتگ ءُ بیگواہ کرتگ اَنت۔ انگت ءَ آیانی ھچ وڑیں ھال نیست۔
