کراچی/ وندر: زورگریں پاکستانی لشکر ءُ چیریں ادارھانی کارمنداں بیڑ برتگ ءُ نو نودربر آوار جتگ ءُ بیگواہ کرتگ اَنت۔
اھوالکار ءِ رد ءَ زور بیگواہ کنگ بوتگیں نودربرانی نام زھیر شوکت کیچ مند، بیبگر امیر جاہ منند وشبود پنجگور، اشپاک ھالکداد جاہ منند نال ھزدار، شھزاد ھالد جاہ منند نال ھزدار، کمبر الی جاہ منندنال ھزدار، ھنیپ بدل جاہ منند ھورماڑہ، شھیب الی بکتیار پسنی، سید اللہ جاہ مند گڈانی ءُ جاوید ء لال بکش جاہ منند وندر اِنت۔
جاوید ء لال بکش کراچی ءَ وانگ ءَ اِنت۔ چار روچ بیت چہ کراچی ءَ وندر ءَ آتکگ مرچی نیمروچ ءِ دو ءَ چیریں ادارھانی کارمنداں چہ وندر ءَ آوار جتگ ءُ بیگواہ کرتگ۔ آدگہ ھشتیں نود زورگریں پاکستانی لشکر ءَ چہ کراچی ءِ ھند گلشن ءَ آوار جتگ ءُ بیگواہ کرتگ اَنت۔
بنشون: اھوالکار / اکس: اھوالکار
