سندھودیش روولیوشنری آرمی ( ایس آر اے ) ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ ایس آر اے مرچی سھب ءَ لاڑکانہ ءَ پاکستان پیپلز پارٹی سند ءِ سرکماش نسار کھوڑو ءِ گِس ءِ سر ءَ بوتگیں بمب تراک ءِ زمہ واری ءَ من ایت۔
آئی ءَ گوشتگ کہ پاکستان پیپلز پارٹی چہ بنداتی روچاں پاکستان ریاست ءِ دلاری ءُ سند دژمنیں سوڑگ کنگ ءَ اِنت۔ گرین پاکستان انیشیئٹو ءُ زری پارمنگ ءِ نام ءَ سند ءِ ڈگار، ھشکی ءُ جنگلانی لیلام کنگ بہ بیت یا سند ءِ کور ءِ سر ءَ جتائیں ڈیمب ءُ بند جوڑ کنگ، سند کور ءُ ڈیلٹا ءِ تباہ کنگ ءِ سوڑگ بہ بیت۔ پاکستان پیلز پارٹی ءُ آئی سند دژمنیں سروک پنجاپ زورگر ءِ دست ءَ پہ وتی واکداری ءِ لب ءَ کارمرز بوگ ءَ اَنت۔ پاکستان پیپلز پارٹی پہ وتی کداری ءُ کرسی ءِ لب ءَ سند ءِ رواداری ءُ شرپمندیں سیکیولر ءِ ارواہ ءَ پہ پنجاپ ءِ وشان کنگ ءَ تاوان دیگ ءَ مدام ساری اِنت۔
جارکش ءَ گوشتگ کہ انوگیں روچاں امر کوٹ ءَ ڈاکٹر شاھنواز کنبھر ءِ ویل بہ بیت یا دو روچ پیش کراچی ءَ بوتگیں زھرشانی ءِ میان ءَ مئے کماش، مات، گھار، جنک ءُ ورنایانی گون ءَ ھما ناشرکاری کہ کراچی پریس کلب ءِ دیم ءَ گراں کنگ، لٹ شاپ ءُ زوراکیانی نشانگ کرتگ اَنت، اے درس پیپلز پارٹی ءِ ریاستی دلارانی نوکیں بند اَنت۔
آئی گوشتگ کہ مرچی نسار کھوڑو ءِ سر ءَ بنداتی اُرش کرتگ پاکستان پیپلز پارٹی ءُ آئی درسیں سروکاں کڈن کن ایں کہ آ وتی درسیں سند دژمنیں دلاری ءُ راجدروئی ءِ کاراں یل بہ کن اَنت، اگاں نہ آیانی سر ءَ اُرش تیز بنت۔
سوڈو سندی ءَ گوشتگ کہ ایس آر اے داں سند ءِ سرجمیں آجوئی ءَ وتی گھگیری زرمبشت ءِ برجاہ دارگ ءِ کول ءَ کنت۔
