بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کیچ ءِ ھند تربت ءَ زورگریں پاکستانی لشکر ءِ کاروان ءَ ھواریں یک گاڑی یے گوں چیر کرتگیں شورھاں نشانگ کرتگ ءُ تباہ کرتگ۔
آئی ءَ گوشتگ کہ زی تربت ءِ ھند ھیر آباد ءَ بی ایل اے ءِ سرمچاراں پاکستانی لشکر ءِ کاروان ءَ ھواریں یک گاڑی یے گوں تراکناکیں شوھاں اُرش ءَ نشانگ کرتگ کہ تراک ءِ زد ءَ آھگ ءَ دژمنیں لشکر ءِ دو کارمند جاھی مرتگ ءُ کم چہ کم سے ٹپی بوتگ اَنت۔
جارکش ءَ گوشتگ کہ تراک ءَ پد زورگریں لشکر ءَ چو مدامی وڑ ءَ ھمےجاہ انگر کرتگ ءُ وتی تاوان ءِ چیر دیگ ءِ جھد کرتگ۔
جیھند ءَ اُرش ءِ زمہ واری منّ اتگ ءُ گوشتگ کہ ھمے کول ءَ کن ایں کہ زورگریں پاکستانی لشکر ءِ داں اچ بلوچستان ءَ سرجم ءَ در آھگ ءَ وتی کاروائیاں برجاہ دار ایں۔
