کوھلو: زورگریں پاکستانی لشکر ءَ موسا جان مری نامیں اھوالکارے مرچی سھب ءَ آوار جتگ ءُ بیگواہ کرتگ۔
زور بیگواھیں اھوالکار موسا جان مری ءِ باروا گوشگ بوگ ءَ اِنت کہ زی نیشنل پریس کلب ءَ پاکستانی لشکر ءِ درکانودی زوراکیانی بگیری ءَ جست ایر کرتگ۔ ایشی آسر ءَ آ بیھار دیگ بوتگ۔
بنشون ءِ رد ءَ پاکستانی لشکر ءَ بلوچ اھوالکار موسا جان مری ءِ بگیری ءَ دروگیں ایپ آئی آر نبشتہ کناھینتگ ءُ مرچی زور بیگواہ کرتگ۔
نیشنل پریس کلب ءَ اے ویل ایر جتگ ءُ گوشتگ کہ دروگیں ایپ آئی آر ءُ زوریں بیگواھی اھوالکاری ءِ سر ءَ اُرش زانگ بیت۔
آئی ءَ لوٹ کرتگ ءُ گوشتگ کہ موسا جان مری ءِ سر ءَ دروگیں ایپ آئی آر ھلاس کنگ ءُ زوت یل کنگ بہ بیت، اگاں نہ ما زھرشانی کن ایں۔
