ھزدار: زورگریں پاکستانی لشکر ءِ دست ءَ دو سال پیش بیگواہ کنگ بوتگیں ورنا ممتاز ءِ مات بیران بوتگ۔
اھوالکار ءِ رد ءَ زور بیگواھیں ممتاز ءِ مات ماہ جان ء جما ھان دوشی بیران بوتگ۔ آئی جنازہ ءِ نماز مرچی ماں سوراب ءَ وانگ بوتگ۔ زور بیگواھیں ممتاز مشکے ءِ جاہ منند اِنت کہ 6 ستمبر 2022 ءَ پاکستانی لشکر ءَ چہ ھزدار ءَ سیمی بر ءَ آوار جتگ ءُ بیگواہ کرتگ۔
یات بہ بہ اِت کہ ممتاز چہ ایشی پیش ھم دوبر ءَ آوار جنگ ءُ بیگواہ کنگ بوتگ چہ بازیں آزار دیگ ءَ پد یل کنگ بوتگ۔
