کراچی: مذھبی ماشرکاری ءِ بگیری ءَ کشگ بوتگیں رواداری روانک ءِ سر ءَ سند پولیس ءَ بیڑ برتگ ءُ سول سوسائٹی ءِ باسکاں ھوار بازیں کچے ءَ مردم دزگیر کرتگ اَنت کہ آیانی تہ ءَ مرد ءُ جنین ھوار اَنت۔
کراچی سول سائٹی ءِ گلانی نیمگ ءَ مذھبی ناشرکاری ءِ بگیری ءَ رواداری روانک کشگ ءِ جار جنگ بوتگ، پولیس ءَ سپر ھائی وے ءَ ھوار جتائیں جاھاں شھدگ بند کرتگ اَنت۔
کراچی پریس کلب ءِ دیم ءَ پولیس ءَ زھرشانی کنوکانی سر ءَ بیڑ برتگ ءُ لٹ شاپ کرتگ اَنت۔ سند ءِ لبزانکار جامی چانڈیو ءُ آئی جنک ءَ ھوار بازیں مردم دزگیر کرتگ اَنت۔
یات بہ بہ اِت کہ امر کوٹ ءَ ڈاکٹر شاھنواز ءِ درکانودی کوش ءُ آئی لاش ءِ کمشرپ کنگ ءِ بگیری ءَ برجاھیں زھرشانیانی درچ ءَ رواداری روانک ءِ جار جنگ بوتگ اَت، اد ءَ ڈاکٹر شاھنواز ءِ کھول ھم ھوار بوگی بوتگ۔
