بلوچستان آجوئی لشکر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں اپسی کھن ءُ کولواہ ءَ زورگریں پاکستانی لشکر ءِ بنجل ءُ پانگس ءِ سر ءَ اُرش کرتگ سے کارمند مرتگ ءُ باز ٹپی بوتگ اَنت۔
آئی ءَ گوشتگ کہ یازہ اکتوبر ءَ روچ ءِ دو ءُ پنجاہ ءَ سرمچاراں تمپ، اپسی کھن ءُ شیپچار ءِ میانجی ءَ برجاھیں پاکستانی لشکر ءِ پانگس ءِ پھازداریں کارمند گوں اسنائپر ءَ نشانگ کرتگ ءُ کشگ ءَ پد پانگس گوں نوکیں سلاھاں نشانگ کرتگ۔ چہ ایشی دژمن ءَ گیش جانی ءُ مالی تاوان بوتگ۔
جارکش ءَ گوشتگ کہ دگہ یک ارشے ءَ سرمچاراں یازدہ اکتوبر ءَ روچ ءِ چار ءَ کیچ ءِ ھند کولواہ کڈ ءِ ھوٹل ءَ برجاھیں زورگریں پاکستانی لشکر ءِ بنجل ءَ گوں نوکیں، مزن ءُ وتکاریں سلاھاں اُرش کرتگ۔ اُرش ءَ دژمنیں لشکر ءِ دو کارمند مرتگ ءُ باز ٹپی بوتگ اَنت۔
میجر گھرام ءَ اُرشانی زمہ واری منّ اتگ ءُ گوشتگ کہ داں سرڈگار ءِ سرجمیں آجوئی ءَ زورگریں لشکر ءِ سر ءَ اُرشانی برجاہ دارگ ءِ کول ءَ کن ایں۔
بنشون: درشان / اکس: زرمبش
