بلوچ استمان پانک ( بی آر جی ) ءِ جارکش دوستین ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے سرمچاراں مرچی سبی ءَ دگ کارکنوکیں یک شرکتے ءِ بلڈوزر گوں تراکناکیں شورھاں نشانگ کرتگ۔
جارکش ءَ گوشتگ کہ بی آر جی ءِ سرمچاراں بلوچستان، سبی ءِ نزیکیں ھند مل گورگیج ءَ دگ شرکنوکیں شرکت ءِ یک بلڈوزرے گوں چیر کرتگیں شورھاں نشانگ کرتگ، تراک ءِ آسر ءَ گاڑی سرجم ءَ تباہ بوتگ، ڈرائیور سکا ٹپی بوتگ۔
دوستین ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ زورگریں لشکر ءُ آئی شریدارانی سر ءَ مئے اُرش برجاہ بنت۔
بنشون: درشان / اکس: زرمبش
