مستونگ: گیس ءِ بند بوگ ءِ سوب ءَ مردماں زھرشانی ءَ شال کراچی شھدگ بند کرتگ۔ زھرشانی ءَ جنیناں ھم بازیں کچے ءَ بھر زرتگ۔ دگ ءِ بند بوگ ءِ سوب ءَ دوئیں نیمگاں مزنیں کچے ءَ گاڑی اوشتوک بوتگ اَنت۔
زھرشانی کنوکیں مردمانی گوشگ اِنت کہ سوئی سدرن گیس شرکت ءِ نیمگ ءَ پہ ساپ کنگ ءِ نام ءَ کونگڑہ،بچہ آباد ءَ مزنیں پائپ لائن بند کنگ بوتگ، ھپتگے ءِ گوزگ ءَ پد ھم انگت لین پچ کنگ نہ بوتگ اَنت۔
آیانی گوشگ اِنت کہ چہ لین ءِ بند بوگ ءِ سوب ءَ گساں زھگ ءُ نادراھیں مردمانی گرم دیگ ءَ ابید پہ کن ور ءَ سکا جنجالانی دیمپان ایں۔
آیانی گوشگ اِنت کہ داں گیس ءِ شر بوگ ءَ ما وتی زھرشانی ءَ برجاہ دار ایں۔
