شال: زوربیگواھیں بلوچانی توار ( وی بی ایم پی ) ءَ ماں رسانکدر ءَ وتی شنگ کرتگیں درشانے ءَ گوشتگ چہ پنجاپ ءَ زوربیگواه کنگ بوتگیں نودربر شمریز ءُ دیدگ ءِ آجوئی ءِ بابت ءَ دلجمی دیگ به بیت۔
آئی ءَ گوشتگ شمریز ء ماسٹر پرید نوشکے ءِ جاه منند اِنت ءُ سپریئر شھدربرجاه ءِ کانود ( Law) ءِ چارمی تبک ءِ نودربر اِنت ءُ دیدگ ء یونس لاھور شھدربرجاه ءَ بی ایس اکنامکس ءِ سئیمی ءِ تبک ءِ نودربر اِنت۔ آ 9 اکتوبر ءَ شپ ءِ یک ءَ چہ کوٹی ءَ آوارجنگ ءُ زوربیگواه کنگ بوتگ اَنت اے سکا بژنی گپے ءُ ڈیھ ءِ کانود ءُ مردمی ھکانی ناھکیں بگیری اِنت، ایشی گوں ترندیں دانکاں ایر جن ایں ءُ گوں پنجاپ سرکار ءَ لوٹ کن ایں کہ آ اے نودربرانی زوریں بیگواھی ءَ دلگوش ءَ گور بہ کنت ءُ پہ آیانی آجوئی ءَ دلجمی بہ دنت۔
