بلوچ استمانی لشکر ( بی آر اے ) ءِ جارکش سرباز ءَ ماں رسانکدر ءَ وتی شنگ کرتگیں درشانے ءَ گوشتگ کہ مرچی بیگاہ ءَ بلوچ سرمچاراں ڈیرہ بگٹی ءِ سگاری ءَ پاکستانی لشکر ءِ کاروان گوں چیرکرتگیں شورھانی اُرش ءَ نشانگ کرتگ ءُ پد ءَ کاروان ءِ سر ءَ گوں راکٹ لانچر ءُ وتکاریں سلاھاں اُرش کرتگ۔
جارکش ءَ گوشتگ کہ اے اُرش ءَ پاکستانی لشکر ءِ نو کارمند مرتگ ءُ یازدہ کارمند ٹپی بوتگ اَنت۔
آئی ءَ گوشتگ کہ لشکر ءَ لنجو، سگاری ءُ رئیس توک ءَ زوراکیانی سیمسر گواز کرتگ، کودکیں مردمانی گسانی سر ءَ گوں جنگی بالگرداں تیرگواری ءَ نشانگ کنگ ءَ اِنت۔
سرباز ءَ گوشتگ کہ پاکستانی لشکر ءِ اے کودکیں مردمانی سر ءَ تچکیں زوراکی ءِ شریں وڑے ءَ پسو ءَ دے این ءُ دیم ءَ ھم دیگ بیت۔
بنشون: درشان / اکس: زرمبش
