ھزادر ءِ ھند زھری ءَ سدام گراونڈ ءِ نزیک ءَ بمب تراکے ءَ مردمے بیران ءُ یکے ٹپی بوتگ۔
بنشون ءِ رد ءَ بیران بوتگیں مردم ءِ نام ابدالھمید اِنت کہ لیویز کارمندے ءُ مھمد ھان لوٹانی نامیں مردمے سکا ٹپی بوتگ۔ بیران بوتگیں مردم ءِ لاش ءُ ٹپی بوتگیں مردم نادراھجاہ ءَ برگ بوتگ اَنت۔
ھندی مردمانی گوشگ اِنت کہ تراک سکا ترند بوتگ ءُ توار داں دور دور ءَ اش کنگ بوتگ۔ تراک ءَ پد لیویز ءُ آدگہ لشکری کارمند اُرشجاہ ءَ سر بوتگ اَنت ءُ پٹ ءُ پول اِش کرتگ۔
