پرانسیسی ءِ مھتر ایمانوئیل میکرون ءَ لوٹ کرتگ ءُ گوشتگ کہ اسرائیل ءَ سلاہ دیگ بند کنگ بہ بیت۔
گزہ ءِ جاورانی سر ءَ گوں رسانکدر ءَ تران کرتگ ءُ پرانسیسی مھتر ایمانوئیل میکرون ءَ گوشتگ کہ پہ انوگیں جاوراں مارا سیاسی گیش ءُ گیوار ءِ نیمگ ءَ روگ لوٹ ایت۔
ایمانوئیل میکرون ءَ گوشتگ کہ پہ گزہ ءِ جنگ ءَ اسرائیل ءِ سلاہ دیگ ءِ سر ءَ پابندی جنگ بہ بیت۔ پرانس ءَ اسرائیل ءَ ھچ وڑیں سلاہ نہ داتگ۔
پرانسیسی مھتر ءِ گپانی پژدر ءَ اسرائیل ءِ مزن وزیر نیتن یاھو ءَ گوشتگ کہ آئی ءَ پہ اے وڑیں گپ جنگ ءَ شرم کنگ لوٹ ایت۔ اسرائیل چہ آئی سلاھاں ابید ناشرکاری ءِ بگیری ءَ جنگ ءَ سوبین بیت۔
