بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند تجابان ءَ برجاھیں زورگریں لشکر ءِ بنجل ءِ سر ءَ راکٹ آس داتگ کہ بنجل ءِ تہ ءَ کپتگ اَنت۔ چہ ایشی دژمن ءَ بازیں کچے ءَ جانی ءُ مالی تاوان بوتگ۔
جارکش ءَ گوشتگ کہ سرمچاراں اے کاروائی چار ءُ پنچ اکتوبر ءِ میانی شپ ءَ دوازدہ ءِ نزیک ءَ کرتگ۔ اُرش ءَ پد ترس آماچ ءُ سرگنوکو بوتگیں لشکر ءَ شھری آبادیانی سر ءَ تیرگواری کرتگ ءُ مارٹر ءِ گولا آس داتگ ایشی آسر ءَ یک کودکیں زھگے ٹپی بوتگ۔
آئی ءَ گوشتگ کہ ریاست پاکستان مدامی وڑ ءَ سرمچارانی اُرش ءَ پد بیرگیری کاروائی ءَ لس آبادیاں نشانگ کنت دانکہ مردم ترس آماچ بہ بنت ءُ سرمچارانی پلہ مرزی ءَ مہ کن اَنت۔ اے ھم راستی یے کہ بلوچ سرمچارانی توان بلوچ لس مردمانی پلہ مرزی ءُ مردمانی کمک اِنت کہ آ بلوچستان ءَ آجوئیں ریاستے ءِ واب ءَ راست کن اَنت۔
میجر گھرام ءَ اُرش ءِ زمہ واری منّ اِتگ ءُ گوشتگ کہ داں لشکر ءِ در آھگ ءَ اُرشاں برجاہ دار ایں۔
