مستونگ: بلوچستان آجوئی سنگر ( بی ایل ایپ ) ءِ سرمچاراں جتا جتائیں جاھاں دیوال نبیسی کرتگ ءُ گوں ھندی مردماں دیوان کرتگ۔
بی ایل ایپ ءِ سرمچاراں دیوالانی سر ءَ راجی آجوئی، راجی شھیداناں دروت، نشہ ءِ کاچاکی ءُ دزی ءِ بگیری ءَ دانک نبشتہ کرتگ اَنت۔
بی ایل ایپ ءِ جنگولاں گوں مردماں تران کرتگ ءُ گوشتگ کہ ما دز، نشہ بھا کنوکاں کڈن کن ایں کہ آ وتی بدیں کارپداں یل بہ کن اَنت۔ اگاں نہ وتی تاوان ءِ زمہ وار وت اَنت۔
آیاں تران کرتگ ءُ گوشتگ کہ گوں لس مرماں ھمے لوٹ ءَ کن ایں کہ آ بلوچ پُسگی ءِ بستار ءَ گوں وتی راجی سرمچڈاں ھر پیمیں کمک ءَ چک ءُ پد مہ بنت ءُ گوں بی ایل ایپ ءَ ھمگرنچ بہ بنت۔ جنگولاں کجام جاہ ءَ موہ بہ رس ایت اود ءَ ریاستی لشکر ءُ آئی کمکاراں نشانگ کن اَنت۔ پمیشکا مردم وت ءَ چہ ریاستی لشکر ءُ چہ ریاستی کمکاراں دور بہ دار اَنت۔
بی ایل ایپ ءِ سرمچاراں گوشتگ کہ ریاستی لشکر، شوربندی ءُ کمکارانی سر ءَ مئے ارش داں سرڈگار ءِ آجوئی ءَ گوں ترندی ءَ برجاہ بنت۔
اے باروا ھندی مردمانی گوشگ اِنت راج پھازداریں سرمچاراں بیرک ھم گوں بوتگ۔
