بلوچ یکجھتی کمیٹی ءِ سروک ڈاکٹر ماہ رنگ ماں چاگردی رسانکدر ایکس ءَ وتی شنگ کرتگیں درشانے ءَ گوشتگ کہ من پشتون راجی جرگہ ءِ دارگ ءِ جھد ءَ پشتون تھپز موومنٹ ءِ بگیری ءَ لشکر ءِ نیمگ ءَ زور ءُ آزاردھی ءِ کارمرز کنگ ءَ گوں ترندیں دانکاں ایر جن آں۔
آئی ءَ گوشتگ کہ سیاسی کارکنانی سر ءَ زوراکی ءُ منزور پشتین ءِ سر ءَ کوش ءِ اُرش پشتون راج ءِ بے توار کنگ ءِ جھد اِنت۔ پشتون سیاسی کارکنانی بگیری ءَ زور ءِ کارمرز کنگ زوت بند کنگ بہ بیت۔
ماہ رنگ ءَ گوں مردمی ھکانی گلاں لوٹ کرتگ کہ سیاسی کارکنانی بگیری ءَ ریاستی آزاردھی ءُ زور ءِ کارمرز کنگ ءَ دلگوش ءَ گور بہ کن اَنت۔
