بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں تربت ءَ ایم آئی ءِ کارمند ءُ آواران ءَ پاکستانی لشکر ءُ بندساچی شرکت نشانگ کُرتگ۔
آئی ءَ گوشتگ کہ دو اکتوبر ءَ چار شمبے ءِ روچ ءَ تربت ءَ ایم آئی ءِ کارمند تیر گْواری کُرتگ ءُ کُشتگ۔
جارکش ءَ گوشتگ کہ ایم آئی ءِ کارمند ممتاز ء الی اھمد جھمنند سنگانی سر کلات بازار بلوچ راجی زْرمبشت ءِ بگیری ءَ پُرکار بیتگ ءُ مردم تُرسینتگ ءُ پہ ایم آئی ءَ کار کنگ ءَ لاچار کُرتگ اَنت۔
آئی ءَ گوشتگ کہ دوھمی اُرش ءَ سرمچاراں سے اکتوبر ءَ پنچ شمبے ءِ روچ ءِ ھپت ءُ نیم ءَ آواران ءِ ھند پیراندر ءَ ھمل بازار ءَ سنگر گپتگ ءُ زورگریں پاکستانی لشکر ءِ پیادگیں کارمند گوں نوک ءُ وتکاریں سلاھاں نشانگ کُرتگ اَنت، تیرگْواری ءِ زد ءَ اتکگیں دو لشکری کارمند جاھی مُرتگ ءُ آدگہ تتکگ اَنت، سرمچاراں چہ پُشت ءَ آوکیں یک ٹرکے ھم نشانگ کُرتگ۔
جارکش ءَ گوشتگ کہ سیمی اُرش سَے اکتوبر ءِ سُھب ءَ آواران ءَ بندساچی شرکت ءِ بنجل ءِ سر ءَ کنگ بیتگ کہ اود ءَ ساڑی ئیں بلڈوزر،ڈمپر ءُ لوڈراں ھوار پانزہ گاڑی تیرگواری کُرتگ ءُ تاوان داتگ اَنت۔
میجر گھرام ءَ گوشتگ کہ بی ایل ایپ یک راجی گلے ءِ بستار ءَ تچکے ءَ گْوش ایت کہ بلوچستان بلوچ راج ءِ سرڈگار اِنت، پاکستان بلوچ سرڈگار ءِ سر ءَ زورگِر اِنت ءُ زورگر ءِ بگیری ءَ سلاہ بندیں جُھد گل ءِ راجی زمہ واری اِنت ءُ ھمے راجی زمہ واری ءِ پیلو کنگ ءَ بلوچ سرمچار ھرکس ءَ ھر کجا نشانگ کُرت کنت ءُ دژمنیں لشکر ءِ ھمکار ءُ باڑھی کُشندھانی گون ءَ چو دژمن ءِ وڑ ءَ کنگ بیت۔
جارکش ءَ گوشتگ کہ گل پاکستانی ریاست ءِ جوڑ کُرتگیں کشندہ ٹولی ءُ کمکاراں گُڈی رند ءَ کڈن کنت کہ آ سلاھاں چگل بہ دے اَنت ءُ گل ءِ دیم ءَ پیش بہ بنت اگاں نہ گڑا گوں آیاں دژمن ءِ رنگ ءَ کنگ بیت، ٹیکیدار ھم وت ءَ چہ ریاست ءِ شوربندیاں گستا بہ کن اَنت اگاں نہ آ ھم دژمن زانگ بنت۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں سرڈگار ءِ آجوئی ءَ ریاست ءِ لشکرریاست ءِ شوربندی ءُ کمکاراں نشانگ کنت۔
