ھزدار: کاؤنٹر ٹیررزم ڈیپارٹمنٹ (سی ٹی ڈی) ءَ دروگیں میڑے ءَ چار مردمانی کشگ ءِ ٹاپار جتگ۔
سی ٹی ڈی ءِ نیمگ ءَ گوشگ بوتگ کہ پنچ شمبے ءَ ھزدار ءَ میڑے ءَ چار شکی ئیں مردم جتگ ءُ آیانی لاش ھزدار درسرکاری نادراھجاہ ءَ برتگ اَنت۔
سی ٹی ڈی ءِ گوشگ اِنت کہ کشگ بوتگیں مردم دینی سلاہ بندیں گلے ءِ باسک اَنت۔ بلے آئی کشتگیں مردمانی پجار نہ گوشتگ۔
یات بہ بہ اِت کہ بلوچستان ءَ سی ٹی ڈی ءِ نیمگ ءَ دروگیں میڑاں کشگ بوتگیں مردم چہ زور بیگواھیں مردماں پجارگ بوتگ اَنت، بلے اے انگت ءَ پجارگ نہ بوتگ۔
