پنجگور: چار روچ پیش زورگریں پاکستانی لشکر ءِ دست ءَ زور بیگواہ کنگ بوتگیں سابر نور ءُ آبد نور ءِ کھول ءَ آیانی زوریں بیگواھی ءِ بگیری ءَ زھرشانی روانکے کش اِتگ۔روانک چہ اللہ اکبر چاراہ ءَ درکپتگ ءُ دمگدار ءِ کارگس ءِ دیم ءَ مچ بوتگ اَنت۔
روانک ءَ زور بیگواھیں مردمانی کھول، جنین ءُ زھگ، سیاسی ءُ چاگردی کارکناں ھوار مردماں بازیں کچے ءَ بھر زرتگ۔ آیاں زور بیگواھیں مردمانی اکس ءُ پلے کارڈ دستاں بوتگ اَنت کہ آیاں زوریں بیگواھیانی بگیری ءَ اوگام جتگ۔
ہہ زور بیگواھیں سابر نور ءُ آبد نور ءِ یل نہ کنگ ءِ بگیری ءَ پنچ روچ اِنت کہ کھول ءِ نیمگ ءَ سی پیک دگ ءَ زھرشانی نندانک برجاہ اِنت۔ چہ دگ ءِ بند بوگ ءَ مساپر جنجال اَنت۔
یات بہ بہ اِت کہ زورگریں پاکستانی لشکر ءُ چیریں ادارھانی کارمنداں 30 ستمبر ءِ سھب ءَ پنجگور ءِ ھند چتکان ءَ بیڑ برتگ ءُ سابر نور ءُ آبد نور ء نورمھمد آوار جتگ ءُ بیگواہ کرتگ اَنت۔
