بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ دو جتائیں اُرشاں سرمچاراں موسا ھیل ءَ یوپون موبائل ٹاور مانداشتگ ءُ مستونگ ءَ پولیس کارگس ءِ سر ءَ دستی بمب اُرشے کُرتگ۔
آئی ءَ گوشتگ کہ سرمچاراں 18 ستمبر ءِ بیگاہ ءِ شش ءَ موسا ھیل ءِ ھند تیراک میھتر ءَ پاکستان ءِ ٹیلی کمیونیکیشن یوپون موبائل ٹاور ءِ مشین ءُ سامان مانداشتگ اَنت۔
جارکش ءَ گوشتگ کہ سرمچاراں 19 ستمبر ءِ سُھب ءِ ھشت ءَ کلات ءِ ھند مستونگ کڈ کوچگ ءَ پسانی پِڑی ءِ نزیک ءَ موٹر وے پولیس ءِ کارگس ءِ سر ءَ دستی بمب اُرشے کُرتگ ءُ پولیس ءَ جانی ءُ مالی تاوان داتگ۔
آئی ءَ گوشتگ کہ پاکستان آرمی،ایپ سی ءُ ریاستی ادارہ بلوچ سرڈگار ءِ سر ءَ زورگِر اَنت ءُ زورگریں دژمن ھرکجا نشانگ کنگ بیگ ءَ اِنت۔ما مدام لیویز ءُ پولیس ءَ کڈن کُرتگ کہ ھرچ مردم بلوچ چکچینی ءُ سرمچارانی رنگیری ءَ ھوار اِنت گوں آئی ءَ ھما وڑ کنگ بیت کہ گوں دژمن ءَ کنگ بیگ ءَ اِنت۔
میجر گھرام ءَ اُرشانی زمہ واری منّ اتگ ءُ گوشتگ کہ داں بلوچستان ءِ آجوئی ءَ اُرشانی برجاہ دارگ ءِ کول ءَ کن ایں۔
