آواران: دو جنینانی ھواری ءَ سے مردم بیگواہ اِنت ، انچوش گمان کنگ بوگ ءَ اِنت کہ زورگریں پاکستانی لشکر ءَ آوار جتگ ءُ بیگواہ کرتگ اَنت۔
اھوالکار ءِ رد ءَ بیگواھیں مردمانی نام امجد ء مھمد نور، زیبا ء نزر ءُ سمیدہ ء پیربکش اِنت کہ آواران ءِ میتگ زیارت ءِ ڈن ءِ جاہ منند اَنت۔ سے روچ بیت کہ کوہ ءَ پہ پسانی چارگ ءَ شتگ اَنت کہ بیگواہ اَنت۔ ھندی مردم پہ آیا نی درگیجگ ءَ پد ءُ رند کنگ ءَ اَنت آیانی پد داں زرانکول ءَ پاکستانی لشکر ءِ پانگس ءَ کمو برز گندگ بوتگ اَنت ءُ پد ءَ گار اَنت۔
سے روچ ءِ چہ پٹ ءُ پول کنگ ءَ پد ھندی مردم انچوش گمان کنگ ءَ اَنت کہ اے مردم پاکستانی لشکر ءَ آوار جتگ ءُ بیگواہ کرتگ اَنت۔
یات بہ بہ اِت کہ پنچ روچ اِنت آواران ءِ جتائیں ھنداں پاکستانی لشکر ءِ لشکرکشی ءُ زوراکی برجاہ اَنت، دو روچ پیش پاکستانی لشکر ءَ چیدگی ءُ پنیامو ءَ بیڑ برتگ ءُ گوں مردماں زوراکی کرتگ ۔ گوں پاکستانی لشکر ءَ جنین ھم گوں بوتگ اَت۔
آواران ءَ پیش ءَ ھم پاکستانی لشکر ءَ دو سے رند ءَ جنین آوار جتگ اَنت۔
