دشت/ آواران: زورگریں پاکستانی لشکر ءِ جنگی بالگرداں جتا جتائیں جاھاں تر ءُ گرد کرتگ۔
اھوالکار ءِ رد ءَ زورگریں پاکستانی لشکر ءَ دشت ءُ تمپ ءِ میانجی ءِ کوہ مزنبند ءَ ھوار سیاھیجی ءِ کوہ ءَ ھم ترّ ءُ گرد کرتگ۔ انچوش گوش بوگ ءَ اِنت کہ پاکستانی لشکر ءُ ھندی کشندہ ٹولی ءِ کارمنداں دہ پانزہ روچ بیت کہ دشت ءِ کوھانی راھاں بندگ ءَ اَنت۔
ھمے وڑ ءَ مرچی آواران ءَ زورگریں پاکستانی لشکر ءِ جنگی بالگردے ءَ پیراندر ءُ دراجکور ءِ کوھاں داں دیر ءَ تر ءُ گرد کرتگ۔
انچوش گوشگ بوگ ءَ اِنت کہ زی پیراندر ءَ جتا جتائیں جاھاں پاکستانی لشکر ءِ کارمند پیادگ ءَ ترّ ءُ گرد کنگ ءَ بوتگ اَنت۔
آواران ءَ دو روچ پیش پاکستانی لشکر بازیں کچے ءَ پنیامو ءِ کوہ ءَ روگ ءَ گندگ بوتگ۔ زی ءُ پیری ھم پاکستانی لشکر ءِ چاریگی بالگرد ءُ ڈرون ءَ جتا جتائیں جاھاں ترّ ءُ گرد کرتگ۔
اے بارو ءَ مئے گیشیں جست ءُ پرس برجاہ اِنت۔
