کیچ: بلیدہ ءَ لس آبادیانی تہ ءَ زورگریں پاکستانی لشکر ءِ پانگس جنگ ءِ بگیری ءَ ھندی مردماں زھرشانی ءَ دگ بند کرتگ۔ زھرشانی ءَ جنین ءُ زھگاں ھوار مردماں بازیں کچے ءَ بھر زرتگ۔
زھرشانی کنوکیں مردمانی گوشگ اِنت کہ باھوٹ بازار ءَ ساری ءَ یک پانگسے ھست ءُ چہ آئی ءَ مردم دلسیاہ اَنت نوں ما زندان ءَ آبادیانی تہ ءَ گیشتر پانگس جنگ ءَ نیل ایں، پمیشکا کہ اے پانگس مردماں گیشتردلسیاہ کن اَنت۔
یات بہ بہ اِت کہ ھمے ھند ءِ کر ءُ کشاں پیسر ءَ ھم پاکستانی لشکر بازیں کچے ءَ ھست کہ شپاں آبادیانی سر ءَ چہ لائٹ جنگ ءَ جنین سکا جنجال اَنت۔
مردمانی گوشگ اِنت کہ چہ پاکستانی لشکر ءِ اے وڑیں ناشریں رویشتاں مردم سکا جنجال اَنت پاکستانی لشکر چہ گسانی نزیک ءَ پاد کنگ بہ بنت۔
