بلوچ ریپلبلکن پارٹی ءِ بنجاھی کارگشاد ڈاکٹر بشیر آزم بیرا ن بوتگ۔
بی آر پی ءِ بنجاھی جارکش شیر مھمد بگٹی ءَ ماں چاگردی رسانکدر ایکس ءَ نبشتگ کہ ما بی آر پی ءِ کارگشاد ڈاکٹر بشیر آزم ءِ بیرانی گم ءَ یکچ ءَ شریدار ایں۔
آئی ءَ گوشتگ کہ شھید نواب اکبر ھان بگٹی ءِ نزیکیں ھمبل ڈاکٹر آزم وتی زندمان پہ بلوچستان ءُ آئی لس مردمانی جھد ءَ ببا داتگ۔ آئی توانمندی، واھشتءُ گوں وتی وتن ءَ مھر مدام مئے دلانی تہ ءَ مان اَنت۔ ما اے جنگ ءَ برجاہ دار ایں۔ آ پہ مدامی ایمن بیت۔
