بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں تربت، نوشکے، پنجگور ءُ بارکان ءَ چار جتائیں کاروائیاں زورگریں لشکر، مادن بروکیں گاڑی، دژمن ءِ کمکار ءُ راھوتی ٹاور نشانگ کرتگ اَنت۔
آئی گوشتگ کہ بی ایل اے ءِ سرمچاراں آدینگ ءِ شپ ءَ تربت شھر ءَ پاکستانی لشکر ءِ 168 ونگ ءِ پانگس ءِ کارمند گوں دستی بمب اُرش ءَ نشانگ کرتگ اَنت۔ ایشی آسر ءَ سے دژمنیں کارمند ٹپی بوتگ اَنت۔
جارکش ءَ گوشتگ کہ دگہ یک ارشے ءَ 3 ستمبر ءِ شپ ءَ بی ایل اے ءِ سرمچاراں نوشکے ءَ مادن بروکیں گاڑی اُرش ءَ نشانگ کرتگ اَنت۔
آئی گوشتگ کہ نوشکے ءِ ھند سر مَل ءَ مادن بروکیں دو گاڑیانی سر ءَ اُرش کرتگ ءُ یکے مانداشتگ ءُ دومی ءِ ٹائر تیرگواری کرتگ ءُ تباہ کرتگ اَنت۔
جارکش ءَ گوشتگ کہ دو ھپتگ ءَ پیش ءَ مئے سرمچاراں چہ پنجگور ءِ ھند گچک ءَ زورگریں پاکستانی لشکر ءِ کمکار مراد پنام ڈولی دزگیر کرتگ۔ مراد پنام ڈولی ء بھرام گچک، لاٹیار ءِ جاہ منند ءَ گوستگیں چنچو سال اِنت کہ پہ زورگریں لشکر ءَ چاریگی ءِ کار ءَ کنگ ءَ اِنت۔
آئی گوشتگ کہ جست ءُ پرس ءِ میان ءَ اے مردم ءَ وت منّ اتگ کہ آ گچک، گوارگو، دراسکی ءَ لشکر ءِ زوراکیاں زورگریں لشکر ءِ کمک ءَ تچکی ءَ ھوار بوتگ، ھمے میان ءَ زوراکیاں لّس بلوچانی گسانی ماندارگ ءِ وڑیں میارباریں ھوار بوتگ۔
جارکش ءَ گوشتگ کہ مراد پنام ڈولی ءَ منّ اتگ کہ آ سردار الی ھیدر مھمد ھسنی ءِ نائب گلام سرور ساجدی ءِ سروکی ءَ کشندہ ٹولی ءِ بھر بوتگ ءُ بلوچ آجوئی لوٹوکانی راہ پیش داشتگ اَنت۔
آئی ءَ گوشتگ کہ کمکار ءَ منّ اتگ کہ اگست 2020 ءَ پنجگور، گچک ءُ کِر ءُ کشاں داں ھشت روچ ءَ برجاھیں لشکری زوراکیانی میان ءَ آ زورگریں پاکستانی لشکر ءِ ھمراہ بوتگ ءُ ھمے میان ءَ بی ایل اے ءِ دو سرمچار آسپ پنام پدا ء لال جان ءُ گلاب پنام وھید ء پھلان ءِ شھیدی ءَ تچکی ءَ ھوار بوتگ۔
جارکش ءَ گوشتگ کہ مراد پنام ڈولی ءِ سر ءَ راجدروھی ءِ سرزد بوگ ءَ بلوچ آمیدگس ءَ مرگ ءِ سزا گوشتگ ایشی سر ءَ زی بی ایل اے ءِ سرمچاراں کار کرتگ ءُ آئی گڈی آسر ءَ سر کرتگ۔
بی ایل اے ءِ جارکش جیھند ءَ گوشتگ کہ بی ایل اے ءِ سرمچاراں دگہ یک کاروائی یے ءَ 4 ستمبر 2024 ءَ بارکان ءِ ھند جھودی ءَ یوپون شرکت ءِ موبائل ٹاور ارش ءَ تباہ کرتگ۔
