بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں بارکان ءِ ھند تنگ کاریز ءَ موبائل ٹاور ءِ سر ءَ تیرگواری کنگ ءَ پد مانداشتگ۔
آئی ءَ گوشتگ کہ یک ستمبر ءَ یک شمبے ءِ روچ ءَ بیگاہ ءِ شش ءُ چل ءَ بارکان ءَ تنگ کاریز ءَ مکیں یوپون شرکت ءِ ٹاور ءِ سر ءَ تیرگواری کرتگ ءُ مشین ءُ سامان مانداشتگ اَنت۔
جارکش ءَ گوشتگ کہ ریاستی رھوتی نزام ءِ مول بلوچستان ءَ بلوچ سرمچارانی ٹریس کنگ ءُ نشانگ کنگ اِنت، بلے بلوچ سرمچار ھر ھما شوربندی ءَ نشانگ کن اَنت کہ آئی مول بلوچ راج ءُ سرمچارانی تاوان دیگ بہ بیت۔
آئی ءَگوشتتگ کہ موبائل ٹاورانی سر ءَ نشتگیں ھندی پھازداراں کڈن کن ایں کہ بلوچ سرمچارانی راہ ءِ دیم ءَ اڑاند بوگ ءَ یل بہ کن اَنت، اگاں نہ وتی تاوان ءِ زمہ وار وت اَنت۔
میجر گھرام ءَ ارش ءِ زمہ واری من اتگ ءُ گوشتگ کہ ریاستی لشکر ءُ شوربندیاں داں لشکر ءِ در آھگ ءَ نشانگ کن ایں۔
