پنجگور: پجار نہ بوتگیں سلاہ بندیں مردمانی دست ءَ آوار جنگ بوتگیں ورنا اللہ نزر آجو بوتگ۔
آجو بوتگیں اللہ نزر ء ھدا نزر پنجگور ءِ ھند پروم ءِ جاہ منند اِنت۔ 15 اگست ءَ سلاہ بندیں مردم پرپٹ ءَ سوار بوتگ اَنت کہ آیاں اللہ نزر ءَ چہ چتکان تارآپس ءَ دکانے ءَ آوار جتگ ءُ گوں وت برتگ۔
اللہ نزر چار روچ ءِ زوریں بیگواھی ءَ پد مرچی آجو بوتگ ءُ گس ءَ سر اِنت۔
یات بہ بہ اِت کہ سلاہ بندیں مردم پاکستانی لشکر ءِ جوڑ کرتگیں کشندہ ٹولی ءِ کارمند اَنت بلوچستان ءِ جتائیں ھنداں زوریں بیگواھی ءَ ھوار چاگردی سلکاریاں ھوار اَنت۔
اللہ نزر ءِ زوریں بیگواھی ءِ کھول ءَ آئی زوریں بیگواھی ءِ بگیری ءَ زھرشانی ءَ سی پیک دگ بند کرتگ۔
