بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں آدینگ ءِ روچ، بیست ءُ سے اگست ءَ یک ءَ ھاران ءِ ھند سرگردان ءَ سی پیک دگ ءَ کارکنوکیں بندساچی شرکت ءِ سائٹ ءِ سر ءَ اُرش کرتگ ءُ مشین ءُ سامان مانداشتگ اَنت۔
آئی گوشتگ کہ چہ کاروائی ءِ سرجم کنگ ءَ پد سرمچار پہ سلامتی وتی بندر ءَ سر بوگ ءَ سوبین بوتگ اَنت۔
جارکش ءَ گوشتگ کہ بلوچستان ءِ سر ءَ پاکستان زورگر اِنت ءُ زورگر کدی زورگپتیں ھنداں دیمروئی نہ دنت بلکیں دیمروئی ءِ نام ءَ لٹ ءُ پل ءُ کشت ءُ کوش ءَ ترند کنت، بلے بلوچ راجی گل بی ایل ایپ ھچ وڑیں شوربندیاں موکل نہ دنت کہ آئی مول بلوچ چکچینی ءُ بلوچ ءِ مڈیانی لٹ ءُ پل بہ بیت۔
آئی ءَ گوشتگ کہ ما درسیں ٹیکداراں کڈن کن ایں کہ آ چہ ریاستی شوربندیاں وت ءَ گستا بدار اَنت، اگاں نہ آسر اِش ھراب بیت۔
میجر گھرام ءَ اُرش ءِ زمہ واری منّ اتگ ءُ گوشتگ کہ ھمے کول ءَ کن ایں کہ ریاستی لشکر، آئی شوربندی ءُ کمکارانی سر ءَ مئے اُرش برجاہ بنت۔
