کیچ: بلوچی زبان ءِ نامداریں لچہ کار نمیرانیں کریم دشتی ءِ یات ءَ کریم دشتی لبزانکی مجلس ءِ نیمگ ءَ کنچتی دشت ءِ وانگجاہ ءَ دیوانے برجم دارگ بوتگ۔ دیوان ءَ مردماں بازیں کچے ءَ بھر زرتگ۔
دیوان ءَ ھمل آپرین، کدیر لکمان، الی گوھر، ماسٹر سلیم، آرپ آزیز، موسا دشتی، مکبول ناسر ءُ شگر اللہ یوسپ ءَ تران کرتگ ءُ کریم دشتی ءِ شائری ءُ لبزانک ءِ سر ءَ وتی ھیال درشان کرتگ اَنت ءُ ستک شانی ندر کرتگ۔
دیوان ءَ بلوچ اسٹوڈنٹس ایکش کمیٹی ءِ نیمگ ءَ کتاب اسٹالے جنگ بوتگ کہ مردماں وتی دل دوستیں کتاب زرتگ اَنت۔
